EFS ახორციელებს შენობების, საწარმოო და კომერციული ობიექტების სრულ ენერგოაუდიტს, რომელიც მოიაზრებს დანახარჯების ოპტიმიზაციასა და რესურსების სწორად მართვას.
"იეფესის" გარემოსდაცვითი მიმართულება ორიენტირებულია ორგანიზაციებისა და პროექტების გარემოსდაცვითი შესაბამისობის უზრუნველყოფაზე, გარემოსდაცვითი რისკების მართვასა და პასუხისმგებლიანი ბიზნესპრაქტიკის განვითარებაზე.
"იეფესის" პროფესიული ტრენინგების მიზანია ორგანიზაციებში ცოდნის, პრაქტიკული უნარებისა და პროფესიული კომპეტენციების განვითარება.
სასწავლო პროგრამები იქმნება ორგანიზაციის საქმიანობის სპეციფიკის, სამუშაო პროცესების, არსებული რისკებისა და თანამშრომელთა ფუნქციური პასუხისმგებლობების გათვალისწინებით.
"იეფესის" საკონსულტაციო მომსახურება ეფუძნება ორგანიზაციის საქმიანობის სპეციფიკის, ოპერაციული პროცესების, რისკების პროფილისა და შესაბამისობის მოთხოვნების სიღრმისეულ ანალიზს.
"იეფესი" უზრუნველყოფს პროფესიულ გეოდეზიურ მომსახურებას სამშენებლო, საინჟინრო და ინფრასტრუქტურული პროექტებისთვის.
გეოდეზიური სამუშაოები წარმოადგენს პროექტის დაგეგმვისა და განხორციელების ერთ-ერთ კრიტიკულ კომპონენტს. ზუსტი სივრცითი მონაცემები აუცილებელია როგორც საპროექტო გადაწყვეტილებების მომზადებისთვის, ისე სამშენებლო სამუშაოების სწორად განხორციელებისა და შესრულებული სამუშაოების კონტროლისთვის. ამასთან, გეოდეზიური მონაცემების სიზუსტე მნიშვნელოვნად ამარტივებს სამშენებლო ხარისხის კონტროლის პროცესს, ხელს უწყობს პროექტთან შეუსაბამობების დროულ გამოვლენას და უზრუნველყოფს შესრულებული სამუშაოების შესაბამისობის ეფექტიან შეფასებას.
მომსახურება მოიცავს ტოპოგრაფიულ და საინჟინრო-გეოდეზიურ კვლევებს, დაკვალვით სამუშაოებს, სიმაღლური ნიშნულებისა და სივრცითი პარამეტრების კონტროლს, შესრულებული სამუშაოების გეოდეზიურ გადამოწმებასა და შესაბამისი ტექნიკური მონაცემების მომზადებას.
თანამედროვე გეოდეზიური ტექნოლოგიებისა და მონაცემთა დამუშავების მეთოდების გამოყენება უზრუნველყოფს გაზომვების სიზუსტეს, მონაცემების სანდოობასა და პროექტის სხვადასხვა ეტაპზე ტექნიკური გადაწყვეტილებების ეფექტიან მხარდაჭერას.
"იეფესი" ახორციელებს ორგანიზაციული სისტემების, სამუშაო პროცესების, ობიექტებისა და დოკუმენტაციის სისტემურ და დამოუკიდებელ შეფასებას.
აუდიტის პროცესი მოიცავს შესაბამისობის კრიტერიუმების განსაზღვრას, არსებული პრაქტიკისა და დოკუმენტაციის შესწავლას, ადგილზე შეფასებას, შეუსაბამობებისა და გაუმჯობესების შესაძლებლობების იდენტიფიცირებას და შესაბამისი რეკომენდაციების მომზადებას.
EFS ახორციელებს სამშენებლო პროექტების ხარისხის უზრუნველყოფისა და კონტროლის, ასევე ტექნიკური ზედამხედველობის მომსახურებას.
მომსახურების მიზანია სამშენებლო პროცესების შესაბამისობის უზრუნველყოფა საპროექტო დოკუმენტაციასთან, ტექნიკურ სპეციფიკაციებთან, მოქმედ ნორმებთან და პროექტით განსაზღვრულ ხარისხის მოთხოვნებთან.
EFS-ის ექსპერტთა გუნდი ახორციელებს სამშენებლო სამუშაოების სისტემურ მონიტორინგს, შესრულებული სამუშაოების ხარისხის შეფასებას, გამოყენებული მასალებისა და ტექნოლოგიური პროცესების კონტროლს, შეუსაბამობების იდენტიფიცირებასა და მაკორექტირებელი ღონისძიებების შემუშავებას.
ტექნიკური ზედამხედველობის პროცესში განსაკუთრებული ყურადღება ეთმობა ხარისხის კონტროლის დოკუმენტირებას, შესრულებული სამუშაოების ეტაპობრივ შეფასებას, ტექნიკური რისკების ადრეულ იდენტიფიცირებას, გარემოსდაცვითი მოთხოვნებისა და სტანდარტების დაცვას, ასევე პროექტის მონაწილე მხარეებს შორის ეფექტიან ტექნიკურ კოორდინაციას.
ჩვენი მიდგომა ხელს უწყობს პროექტის ხარისხობრივი მაჩვენებლების გაუმჯობესებას, ტექნიკური რისკების შემცირებას, სამუშაოების ხელახალი შესრულების საჭიროების პრევენციასა და პროექტის განხორციელების პროცესის გამჭვირვალობას.
EFS უზრუნველყოფს პროფესიული ჯანდაცვისა და შრომის უსაფრთხოების მართვის კომპლექსურ მომსახურებას, რომელიც ორიენტირებულია სამუშაოსთან დაკავშირებული საფრთხეების პრევენციაზე, პროფესიული რისკების მართვასა და უსაფრთხო სამუშაო გარემოს სისტემურ განვითარებაზე.
მომსახურება მოიცავს სამუშაო გარემოსა და სამუშაო პროცესებთან დაკავშირებული საფრთხეების იდენტიფიცირებას, პროფესიული რისკების შეფასებას, შესაბამისი კონტროლის ღონისძიებების დაგეგმვას, უსაფრთხოების პროცედურებისა და ინსტრუქციების შემუშავებას, სამუშაო პროცესების მონიტორინგსა და შესაბამისობის შეფასებას.
აღნიშნულ მომსახურებასთან ერთად, პროცესში ხორციელდება სამშენებლო სამუშაოების ხარისხის კონტროლიც, რაც კიდევ უფრო ხაზს უსვამს კომპლექსური ზედამხედველობის აუცილებლობასა და მნიშვნელობას.
განსაკუთრებული ყურადღება ეთმობა არა მხოლოდ ცალკეული რისკების კონტროლს, არამედ ორგანიზაციაში ეფექტიანი HSE Management System-ის ჩამოყალიბებას. ჩვენი მიზანია უსაფრთხოების მართვა გახდეს ორგანიზაციის ბიზნესპროცესების ინტეგრირებული ნაწილი და არა მხოლოდ ფორმალური შესაბამისობის ინსტრუმენტი.
EFS-ის მიდგომა ეფუძნება პრევენციულ მართვას, მონაცემების ანალიზს, სისტემურ მონიტორინგსა და უწყვეტ გაუმჯობესებას, რაც ხელს უწყობს ინციდენტების რისკის შემცირებას, სამუშაო გარემოს ხარისხის გაუმჯობესებასა და ორგანიზაციაში უსაფრთხოების კულტურის განვითარებას.
GE
EN